حبيبي الدنيا ما ترهم بلياك

حبيبي الدنيا ما ترهم بلياك وروحي وياك راحت من عفتني وبعد كل العذاب الشفته وياك وشكد انته بمحبتك عذبتني اضل للموت احبك اني واهواك لان انته بمحبتك جننتني شلون اكدرت تمشي وكلبك انطاك وبيوم السافرت ما ودعتني من كالو رحت كلت الله وياك كلتها بكلبي ثاريك اسمعتني لان بكلب واحد عشنا روحين وخذته وياك يوم الفاركتني اني الخاطرك بالعمر ضحيت وتالي اطلعت عندك مالي خاطر على صدري ازرعت بيدك الالغام ومن ثارن صرتلك اني ساتر صرتلك سيف ضد كل اليعادون وانته بظهري حديت الخناجر ردت انساك كلت ابتدي من اليوم وشلت هم شيصبرني عله باجر اذا لحظات ما اتحمل انساك كلي شلون اصبر من تسافر حبك بالكلب دكيته بسمار وهلبسمار ما ابدله بجواهر ولو كتلي لجهنم امشي وياك اكلك ائمر وتلكاني حاضر ما انسى انه فضلك والله للموت ولو مو حبي الك ما صرت شاعر احل كل الالغاز بليه تفكير وبكلمة احبك اني حاير حروف اربعه مالها تفسير لاهي بكتب ولا هيه بدفاتر لان كلمه احبك بين الاضلوع الكلب المايحب تلكاه نادر كل هذا التعب ما غزر وياك ولا جيت وكلتلي راح اسافر تره اقتربت نهايه قصتي وياك واذا مليوم اعوفك يعني باجر لا تفكر كلامي وياك تهديد ومن اكلك اعوفك يعني كادر اذا فكرت اكرهك حبك ايزيد ومن انساك اكوم اشتاكلك اكثر والله اكدر اجيب من السما نجوم واكذب لو كلت انساك اكدر يوم الي رحت راحت روحي وياك وبقت مثل الحمامه عليك تفتر كدامك مشت ما تمشي وياك تضوي لك طريقك خاف تعثر اني عجيبه قصتي وياك انته التعيل بيه وانته تزعل فت منك عذاب اشكال وانواع وكل هذا العذاب بحبك ايهون ولان ما ضل دمع بغيابك ايطيح اخاف ابجي بعد وطيح العيون

روعه غزول غلاي
انت مبدعه

کلمات رائعه بجد و احساس اروع
عاشت الایادي عزیزتي
تحیتي

الله الله
حساس رائع ماهذا الكلام
صح السانك

الله

ابداع وتالق ليس له حد
حياك الله

الله روعه وعاشة الانامل
والله يعطيك العافيه

كلام راقي
يسلمووووو

مروركم الرائع زادني فخرا واعتزازا

تسلموووو غلای