مرحبا ملوك ملكات
منتديات ابو سيف العويسي
اعــضـــاء زوارنه الــكـرام
اليوم حبيت اسوي موضوع
عن مـــاده شعـــريه جديده
نوع جديد غزى كل صندوق
وارد في اجهزه الموبايل
فقره شعريه مستحدثه
احبت لسهولتها
ولتكامل صورتها الشعريه
فصارت حديث العشاق
وطبق العتاب الرئيسي
خصوصا لدى العراقيين
يتكون من صدر وعجز واحد فقط
غير مربوط بقافيه محدده
والشائع ان يكون العجز على صيغه سوال
هذا النوع من الاشعار يسمى بــ القفشه
وساجمع من ما يقدرني الله عليه من القفشات
واجعلها بين يديكم
وسيكون هذا الموضوع متجدد عن طريق الردود
واتمنى من كل عضوو ياشرك بالرد انت يكتب قفشه ويا الرد
او يختار القفشه الي تعجبه وينزلها ويا الرد
حتى العضو او الزائر يستمتع بالموضوع ويقره كل صفحات الموضوع بدون اي ملل
واتمنى من الادارين ان يساعدونه من الناحيه الاداريه بتثبيت الموضوع
او ارشفته
وشكر خاااص الى اخي الشاعر اياد العماري
الذي ساعدني على جمع اكثر عدد من القفشات
وها نحنو نضعها بين ايديكم ومتمنين ان ينال
اعــــجـــــــابـــــكــــم
.......
.........
.............
.................
انا عيوني قطار ودمعي ركاب
كلها تصيح نازل من الاكيك
::::::::::::
ضيعني ألزمن ضيعت يتيم أبسوك : شماطخ بعبايه يكول هاي أمي
::::::::::::
الساعة لازم توكف ابيوم التروح .
وية غيرك ما اريد اصرف وكت
لأن ماعندي صوره وياك بالبيت :جومت المكان البي كعدنه..
::::::::::::
سكف راسي يخر من رحت لليوم
ينكط ذكرياتك ذكرة ذكرة
::::::::::::
غالي ابغلات الماي !مو هسه بالطف.
::::::::::::
انه عيوني جهال وشوفتك عيد
تعال شبيك خل تفرح جهالي_
::::::::::::
انه جروحي غدت كد انبياء الله
وين الكه محمد حتى يختمهن
:::::::::::
يكولون الحلم تفسيره مكلوب
شفتك بالحلم جن انت رايح _
::::::::::::
بسم الله الرحمن الرحيم
(وبشر القاتل بالقتل ولو بعد حين)
الهي انته الكلتهه وماعليهه شكال
الهي العوز يكتل ماتجي تكتله
::::::::::::
انه بعدك عاجر بنص امهات
وصار موضوع السوالف عالطفل
::::::::::::
احس روحي طفل ماشايل فلوس
وانت منين ماعاين دكاكين
::::::::::::
لان حلوات كل افعالي وياك
مابيهن ملح حقك عفتني
::::::::::::
ماحب الدمع لو جف بلعيون
اخاف انسه البجي ويرتاحن عيوني
::::::::::::
كريات البدمي كلهه بيضاء
لأن بجفاك دم البيه شايب
::::::::::::
::::::::::::
ياحضره عشك بيك الجروح تطوف
انطي مراد خل يلتمن جروحي
::::::::::::
كبل سنتين شفتك بالحلم جيت
لحد الأن مافاتح عيوني
::::::::::::
انه رديت جثه بيوم لوداع
ظلت روحي بيدك من حضنتك
::::::::::::
فصلنه الخبز دشداشه للعيد
واكلنه اردانه وما عيدينه
::::::::::::
اكل مني غيابك حتى العظام جا كلي من اموت اشياكل الدود.
::::::::::::
الك بيه عشك خلاني مجنون
عكس حبك الي خلاك عاقل
::::::::::::
بصابيعك بقايه اسنين مكتولات هاي اسنيني كتلك عود داريهن
::::::::::::
انته ترجيه وأذن انا صفيت بيه تجرح لاكن محليني
::::::::
من كد ما صفنتي اطول مرات
على اجتافي بنت عش العصافير
::::::::::::
شيب واهسي من كد الفراك
وحدب شوف عيني وانت ماجاي
للتواصل معي عن طريق الفيس بوك هاذا هوه رابط صفحتي الشخصيه
https://www.facebook.com/ryw.zaky