(رايح عالنتيجه اوراجع ابساع)

(رايح عالنتيجه اوراجع ابساع)
موهذا كلامك يمه ليه
يمه اشعطلك قصيده عراقيه حزينه
ليش اتعطلت يمه العصر فات
اوبدت تعصر ابروحي المغربيه
يمه اشعطلك قصيده عراقيه حزينه
هلاهل ترس صدري اوبيدي جكليت
اوكبل اسبوع مشتريه الهديه
يمه اشعطلك قصيده عراقيه حزينه
اتاني اوخبر عاجل طگني بالگاع
انفجار الجامعه المستنصريه
يمه اشعطلك قصيده عراقيه حزينه
ولك يمه وصلتك ازحف ازحوف
لأن رجليه ماتن گبل اديه
يمه اشعطلك قصيده عراقيه حزينه
لگيت اكتابك اوماشفتك اوياه
عفته اشلون مو رحتو سويه
يمه اشعطلك قصيده عراقيه حزينه
اوجثه اتصيحلي من بين الرماد
موهيه گلت وآنه ادري هيه
يمه اشعطلك قصيده عراقيه حزينه
حاجيني دخيلك ياضوه العين
الشضيه الصابتك موبيك بيه
يمه اشعطلك قصيده عراقيه حزينه
انا اشتاگيت ابوس اجفوفك اليوم
ابگد مابوست انته بديه
يمه اشعطلك قصيده عراقيه حزينه
وصية والدك بيدي آنه احنيك
ترضه ايگول خلت بالوصيه
يمه اشعطلك قصيده عراقيه حزينه
اعرفك غيره كلك تذبح الموت
اوتگعد بس اشگ ثوب العليه
يمه اشعطلك قصيده عراقيه حزينه
اعز الناس جنت اتگلي ياحيف
اعز الناس ذلتهه المنيه
يمه اشعطلك قصيده عراقيه حزينه
ياجف القدر المن انمديت
ليش اتناوشت نجم الثريه
يمه اشعطلك قصيده عراقيه حزينه
ابني البجت لمصابه الحمامات
وغتاظ الگمر ونخسف ضيه
يمه اشعطلك قصيده عراقيه حزينه
ابني ابن العراق اوامه بغداد
ياهو الكتب مجهول الهويه

للشاعر ؟؟؟؟؟؟؟؟؟؟؟
مع اجمل تحياتي