اغمرني بحنانك وخلني ادلع

اغمرني بحنانك وخلني ادلع
لان كلبي بغرامك حيل اتولع
اغمرني وخلني بلعشك مجنون
يوصفله العقل والوصف ماينفع
اغمرني محبة وتضحية واخلاص
واشبكني اعله روحك وخلني اتمتع
قربني بمحبتك واني كلي اشواق
شمس تضوي الليالي وبلوفى تسطع
يبو حجي العذب يلبلشعر استاذ
تتغزل وتهجو ولو ردت تسجع
حبيتك وردتك خاتمة احزان
مر بية العذاب وعافني ملوع
يافرحي وعيدي وهلال يضوي احساس
مو كل شهر لا كل ساعة ليه اطلع
حنيتي وغرامي والوفه لبلروح
كلها هل اجت بهواك تتشفع
غدت كل المشاعر للعشك تنحاز
ك حديثة زغيرة بغنج تتموع
يل كلك وفاء من الجدم للراس


مامرة غدرتني ولا عرفت تخدع
وصفولي محبتك دوا يطيب الاه
وعافيتي بوجودك لو رجعت ترجع
احبك وراح اظل للدوم يلمحبوب
ما بطل عشك لو عضاي تتكطع
راهملي ولايك عشكك عللروح
واشواكي بغرامك كل ساعة تتوسع
لبستك بلمحبة جني وسكنله بروح
لا سيد ولا درويش بيه اطلع
اختمها القصيدة بقسم مني اهواك
يا بستان حب من كلشي امنوع
لظل طول العمر فلاح بيه ارعاه
واظل طول العمر احصد واظل ازرع
واظل طول العمر احصد واظل ازرع

الله الله الله
روعه غزل

شکرا علی مرورک الجمیل

عاش الذوق الراقي

شکرا علی مرورک