ومضه منك ومضه مني

السلام عليكم اليوم حبيت اسوي مسابقه وتكون على
سبيل المثال انا انزل ومضه من يشوفهه احد الاعضاء
يرد عليهه واذا ما عنده رد يكتب تعبير من يمه
+يسلموو على الومضه العجبته على سبيل المثال
...
...
...
يل وجهك درس ما ينحفظ للموت
وعيونك مسائل ياهو اليحلهن..؟
حلف بالله العميد وكال للطلاب..
اليحفظ سطر منك ينجح ابكلهن

الرد مالتك اذا عجبتك الومضه يكون على سبيل المثال اذا ما عندك ومضه ترد بيهه يكون الرد

رووووعه جمييل يسلمووو على الاحساس
يل وجهك درس ما ينحفظ للموت
وعيونك مسائل ياهو اليحلهن..؟
حلف بالله العميد وكال للطلاب..
اليحفظ سطر منك ينجح ابكلهن


وخلونه نشوف تفاعلاتكم وي الموضوع مع تمنياتي لكم بقضاء اجمل الاوقات مع اجمل الومضات
تحياتي لكم جميعاً

حاجز لاتخلي الباب فد يوم
من عين البشر لاتنحسد خاف
يبو وجهه اليشع ياباب اليفيد
سور الصين لو خليته تنشاف

امن اعيونك أعرفك وافتهم شتگول
واقره بكل وضوح اشتكتب اعيونك
شلونك من تگلي الدنيه بية تطير
واعوف الدنيه كلها وأشبگ اشلونك

اسحك عل ورد صار الورد ينداع
بس عطر الورد ماتكدر ادوسه
يصح واحد جريمه عل الوجه ينباس
ويصح واحد لرجه يستاهل البوسه

مع اجمل تحياتي

حاولت ارسمله صوره بكل مكان
وبيدي هاي انــــــــــــــه رسمت الصوره
يضحك بوجه اليشوفه ومن اجيه
ايهــــــــــــــــز اديه وعني وجهه ايدوره
كتله احبك ..كال ادري ومن زمان
كتله بس روحـــــــــــــــك صدك مغروره
اشبيه؟ هم مثلك حلو وميت عليك
اشحــال لــــــــــــــــوعين اليحبك عوره

مجهود رائع لآإحرمنا آلله جمال آطلآلتك آلقآدمـــة
لـ روحـك قوآفـل من آليآسمين ...
احلى من الجمال يكون الاحساس
وجمال الكون مايملك احساسك
وبعيونك معاني ادوخ الراس
لذالك بيك دايخ حتى حراسك