وان ضاق صدري من صدوف الزمن ما يلام

[rtl]وان ضاق صدري من صدوف الزمن ما يلام

البارح العين عيت تهتني بالمنام
والنفس مما بصدري كثرت هجوسها

يارد على القلب همي مثل ورد الحيام
وينقض جروح وسط الصدر ويحوسها

وان ضاق صدري من صدوف الزمن ما يلام
ما ادري علام الخلايق ضعفت نفوسها

صارو شيوخ الدراهم روس غرب وشام
واهل النواميس تالي ضاع ناموسها

مير افطنو للكلام اللي عليه الكلام
من شاعر حافظ البندق ونادوسها

ان كان ماله مع اهل الطيب قدر ومقام
ما تنفع تجارته لو كثرت فلوسها

والا انت ياللي تحسب انك ملكت الزمام
صدوف تالي الزمن لا يجرحك موسها

لو طال راسك بيبقي مثل راس النعام
والناس تدري بريسها ومريوسها

وانا لا جا الماقف الصامل علي الحرام
ما البس الناس لبس غير ملبوسها

والوقت يعطي عبر ودروس في كل عام
والرابح اللي حياته يحفظ دروسها[/rtl]

Top of Form

» وان ضاق صدري من صدوف الزمن ما يلام
» حكاية سطرها الزمن بأحرف من دم