جيت العيد للشاعر عريان السيد خلف

جيت العيد للشاعر عريان السيد خلف



#


#
يناهي الشوك ذمه وذات من ذات


#
وفرق مابين حالي وحالك ابعيد


#
سنه وصدك يضوك الروح لوعات


#
ويجملّي الجروج جروح ويزيد


#
ابت ابحضن صبري اليال ويباتْ


#
جرح يصحه وجرح متغصّب ايهيد


#
واّكول اشوالف السرحان للشاة


#
اعله سجذه وكّاوداه الاييد بالآييد


#
الك جانت يحلو الطول جيات


#
عجب تبخل علينه ابجية العييييد


#
*********************


#
تنينه وأملينه اجفونّه ابطيْف


#
وصبرنه وصبرينه ألآه بألآه


#
وتحسفنه الحسافه وحيف عالحيف


#
على اسواجي الدموع الماْلهن جاه


#
وعرفنه وعود حبك غيم بالصيف


#
المحل وين المطر بالصيف يلكاه


#
اشيصير أعله الترف ينحسب ضيف


#
أعله غفله وعيد وصل الزين محلاه؟


#
انه ابعازة الموت وحاجبك سيبف


#
واموت أبغير صدة غير ماريد


#
ألك جانت يحلو الطول جيات


#
عجب تبخل علينه ابجية العيد***