دخيلك الله افرجها عنه

دخيلك ربي فرج عنه !!
دخيلك ربنه فرج عنه وخل نرتاح ... وشوف بعينك احنه شبينه مابينه
ماشـفنه الـفرح كـل هـاي السـنين ... بـس طاري الحزن خــيم علــنه
صار سنين نبجي وما ضحكنه بيوم ... تفجير وقهر والضيم عامينه
يجيلك شخص مااعرف تراه منين ... بايع اهله بايع حته دينه
يفر وما يميز بين هاي الناس ... والي راح بغدر شيرده لينه
يالنيتك غدر ابتعد عنه ارجوك ... من كثر الجروح البينه ملينه
نريد نعيش احنه مثل الناس ... مو حتى الطفل دمعه بعينه
اطفال الدول تلعب ومرتاحين ... وطفلك يا وطن يبجي على رجلينه
نحلم بوطن بيه الشعب مسرور ... بس حتى الحلم ما صح بدينه
نصبر والصبر مل والله منه ... شلون البشر يصبر كل سنينه
كل هذا الحزن يا عراق الاحزان ... ميغير طبيعتنه وحجينه
تره احنه اخوان والله وكلنه متوحدين ... ويبقه اسم الوطن هو حامينه

منقوله

» دخيلك يالعيون السود
» رحمة الله
» استغفر الله
» اذكر الله
» ألمراة العجوزوكتاب الله