عليك اتحلفن

عليك اتهددن بس حلفتهن بيك
ابيات القصيده ابحركه كاملك
لومابينكم طبيت محظر خير
لاثق جاشفتهن هنه وصللك
عندي اترف شطر طلعة مخالب بيه
من شفتك اكبالي انياب طلعلك
مو عن قافيه اتكضني اني ماسميك
وصفت الملامح بالاسم شلك
اني القافيه من اطعني عمياء
بس اوصف مكانك هيه تندللك
مطشره بس تنقره عصماء
اهده مطشره بس تنقره عصماء
كالولك عليه الكلك شكلك
حروف اجفوف بيه لاتصير خيوط
لعبه اتصير بيه اتحلك اتشدك
انت بنص حرف من شطر بيت اضيع
شنهو من نص حرف يستهدفك كلك
سل قلمك نعم بس تدري قلمي شبيه
بيه طائر خرافي ويلتهم صلك
لاتتوهم الظل وحده ماموجود
اذا ينوجد شخصك ينوجد ضلك
تعقله اليكلك طرت من رفيت
تعقله انت تمشي وطاير يكلك
لاتظن بيه ملاك الشفت عنده اجناح
اذا ماشفت طار اتوقعه يزلك
اذا ماتوكف الطاري القصيده اجلال
لاتعتب عليه وتطلب اتجلك
اكو عندك خلل لازم اذا حسيت
تهواك الشماته ويبتعد خلك
النقصن بالوزن عادي البشر خطاء
مابيهن شكال وفدوه يرحلك
بس احذر اذا نقصك ابروحك صار
تختل الصور والقافيه اتملك
جبته احمل اخاك وياك ارضيك بس جم دوب
على سبعين محمل مجبر احملك
ردتك تدري ملشي سلاح ذو حدين
اذا عندك ختلطن شعر يفصلك
دمعه البل جفن وي روحك اتواسيك
بس كبال شامت تكدر اتذلك

الله الله الله الله الله
الله

ابداع وتالق ليس له حد
حياك الله

الله روعه وعاشة الانامل
والله يعطيك العافيه

كلام راقي