غزل العویسی عضو
عدد المساهمات : 839 نقاط : 1408 السٌّمعَة : 13 تاريخ التسجيل : 11/01/2013
| موضوع: آمنت بالصد والهجر الجمعة مايو 10, 2013 2:01 am | |
|
أيمان عندي بهالعمر يخلص ولا أشوف السعد
وأيمان عندي بهالعشكـ مانفتركـ
آنة وخيالك للأبد
وماأنتظر .... هلبت علي طيفك يمر
وماانتظر .... وأدري الطريق لشوفتك محفوف بأشواكـ وجمر
ماأنتظر ... وملّت الريت من الصبر
جم ليل فات ولا خبر ,,
وآنة بعذاباتي أتبعت نفس الأثر ,,
والشيب خط بريشته لوحة كبر
وأحتركن أشيائي البقن ..
اوراق وأبيات وصور
وضل عندي مكتوب أحتفظ بيه من زمن ..
بيه أسمي وأسمك والعهد
مانفتركـ ... آنة وخيالك للأبد
وايمان عندي بعشرتك
مادام انت اتكبرت
ومادام عاذل رافكت
ماتت بكلبك طيبتك
وآمنت بالصد والهجر ... ماأنتظر
وبطلت أدورلك عذر
المثلك أنت من الصعب يعشك صدكـ
والمثل طبعك ماعرف معنى العشكـ
ما عاد يعنيني الوصل
وماعاد يعنيني العهد خل يحتركـ
وخليه العاذل صاحبك .... ما اعاتبك
ميفيد وياك العتب
مثل العلى الصخرة يدكـ
لا صخرة حسّت بالوجع
ولا دكي بيهة اللي نفع
ولا غيرت طبع العركـ .. دساس ياطبع العركـ
ومابعد أكتب للهوى أشعار الهوى
ويكفيني عمري بلا فرح كلّه أنطوى
وما أحلم بملكة سوى
وجربت كلشي ومانفع للحب دوى
وآمنت بالصد والهجر
وما أنتظر .. وملت الريت من الصبر
جم ليل فات ولا خبر ,,
وآنة بعذاباتي أتبعت نفس الأثر ,,
والشيب خط بريشته لوحة كبر
وآمنت بل أيقنت
أن اليوافي بهالوكت يتبع كفر
أن الوفاء بهالحياة أصبح كفر
| |
|
المدير عضو
عدد المساهمات : 251 نقاط : 508 السٌّمعَة : 19 تاريخ التسجيل : 29/03/2012 العمر : 53
| موضوع: رد: آمنت بالصد والهجر الجمعة مايو 10, 2013 3:04 pm | |
| الله الله الله روعه الغالي | |
|
غزل العویسی عضو
عدد المساهمات : 839 نقاط : 1408 السٌّمعَة : 13 تاريخ التسجيل : 11/01/2013
| موضوع: رد: آمنت بالصد والهجر الجمعة مايو 10, 2013 3:24 pm | |
| | |
|