[rtl]
على (( مواعيد الغرام السعيده )) احسب محاصيل الوفا بآخر العام[/rtl]
[rtl] [/rtl]
[rtl]وانسى تفاصيل .. الجروح الجديده
واسامح الغالين .. من قبل لا انام[/rtl]
[rtl] [/rtl]
[rtl]واكتب من انفاسي وشوقي قصيده
واغلف احزان المشاوير .. باحلام[/rtl]
[rtl] [/rtl]
[rtl]وادور لشوق الغلا . واستعيده ؟؟
لك يا معنيّني مسافات .. واقدام[/rtl]
[rtl] [/rtl]
[rtl]فتش حشا قلبي وفتش وريده ؟؟
يفداك يا اغلى من قعد به ومن قام[/rtl]
[rtl] [/rtl]
[rtl]وتعال شف جوالي وشف .. بريده
رسايلك موجوده جداد .. وقدااام[/rtl]
[rtl] [/rtl]
[rtl]واغلى هدايا ربي .. ويوم عيده
لا بان رقمك يا بعد كل الارقام[/rtl]
[rtl] [/rtl]
[rtl]يا زين طبعك فالكلام ويا جيده
في مبسمك سحر الحكي مصدر الهام[/rtl]
[rtl] [/rtl]
[rtl]مشاعري من قبل اعرفك بليده
احييتها بك من عقب ماهي صيام[/rtl]
[rtl] [/rtl]
[rtl]لو هبت رياح الغياب الشديده
قصر المحبه ما تزعزعه الايام[/rtl]
[rtl] [/rtl]
[rtl]خفف من غيابك .. علي لا تزيده
مشتاق والمشتاق . ماهو بينلام[/rtl]
[rtl] [/rtl]
[rtl]لولا المخافه .. والشرف .. والنقيده
كحلت عيني بك .. لو ان خاطري شام[/rtl]
[rtl] [/rtl]
[rtl]اصد من بيتك .. وانا احب سيده
صدة غريق صاح .. والموج لطام[/rtl]
[rtl] [/rtl]
[rtl]يا لعنبو الايام .. وش مستفيده ؟؟
حدتني انسى الشوق واعيف الاحلام[/rtl]
[rtl] [/rtl]
[rtl]يا موثق قلبي جفا .. فك قيده ؟؟
اسرتني .. لهفه وعبرات وهيام ؟؟[/rtl]
[rtl] [/rtl]
[rtl]ان غبت كني فاقد لي .. فقيده
وان جيت هبت ريحة ورود وخزام[/rtl]
[rtl] [/rtl]
[rtl]كل عام وانت سنين عمرك مديده
وكل عام وعيوني على شوفك ايتام[/rtl]
[rtl] [/rtl]
[rtl]
وكل عام وانت الذكريات السعيده الى تخاويني من العام .. للعام[/rtl]